எது பெண்ணுரிமை?

போலிப் பெண்ணுரிமை பேசுவோரிடம் சில கேள்விகள்!

பெண்கள் தங்களது உடலின் கவர்ச்சியை அந்நிய ஆண்களிடம் மறைக்கும் வகையில் கண்ணியமான உடை அணிய வேண்டும் என்று இஸ்லாம் வழிகாட்டுகின்றது. இது பெண்களின் சுதந்திரத்தில் தலையிடுவதாக உள்ளது; பெண்களின் உணர்வுகளுக்கு மதிப்பளிப்பதாக இல்லை என்று பெண்ணுரிமைப் போராளிகள் கேள்வியெழுப்பி வருகின்றனர்.

ஆடைக் கட்டுப்பாடு என்பது பெண் சுதந்திரத்தைப் பறிப்பதா?:

பெண்களின் கற்புக்கு பங்கம் வந்துவிடக்கூடாது என்பதற்காகத் தான் பெண்களை பாதுகாப்பான ஆடை அணியுமாறு இஸ்லாம் கூறுகிறது.

ஆபாச உடையணிந்து செல்லும் பெண்களை சாலையில் செல்பவர்களின் கண்கள் எங்கு மேய்கின்றன என்பது பெண்ணுரிமை போராளிகளுக்குத் தெரியாமல் இல்லை.

ஆபாசமாக ஆடை அணிபவர்கள் அந்நிய ஆண்களைத் தவறான செயல் செய்ய தூண்டுகின்றார்கள்.

இதை உணராமல், பார்க்கக்கூடியவர்களின் கண்களின் தான் ஆபாசம் உள்ளது என்று போலியான வாதங்களை இவர்கள் வைக்கின்றார்கள்.

ஒருவரது கண்ணில் மிளகாய்ப் பொடியைத் தூவி விடுகின்றோம்; இப்போது கண் எரிகின்றது என்று அவர் கதறுகின்றார் என வைத்துக் கொள்வோம்; கண் எரிச்சல் அடைந்து கதறுபவரைப் பார்த்து எரிச்சல் என்பது மிளகாய்ப் பொடியில் இல்லை; உனது கண்ணில் தான் உள்ளது என்று சொன்னால் அது எவ்வளவு பெரிய முட்டாள்தனமான வாதமாக இருக்குமோ அதுபோலத்தான் இந்த வாதமும் அமைந்துள்ளது.

ஆபாசம் என்பது பெண்களின் ஆடைகளிலும் உள்ளது என்பதை இவர்களும் ஒப்புக்கொண்டே உள்ளனர்.

அதனால்தான் ஆபாச சினிமா பட போஸ்டர்கள் பொது இடங்களில் ஒட்டப்பட்டிருந்தால் அந்த ஆபாச போஸ்டர்களில் தொப்புள் தெரிவது போல உள்ள பெண்களின் போட்டோக்களை இவர்கள் தார் பூசி அழிக்கின்றனர்.

இந்த ஆபாச போஸ்டரை ஏன் நீங்கள் தார் பூசி அழிக்கின்றீர்கள் எனக் கேட்டால் அவர்கள் என்ன சொல்வார்கள்?

ஆபாசமாக ஆடை அணிந்து போஸ் கொடுப்பது தவறு; அதனால் தான் தார்ப் பூசி அதை அழிக்கின்றோம் என்று கூறுவார்கள்; அப்படியானால் இப்போது நாம் அவர்கள் வைத்த அதே சொத்தை வாதத்தை அப்படியே அவர்களுக்கு திருப்பிச் சொன்னால் அவர்கள் ஏற்றுக் கொள்வார்களா?

அதாவது ஆபாசம் என்பது அந்தப் போஸ்டர்களில் இல்லை; பார்க்கக் கூடிய கண்களில் தான் உள்ளது; நல்ல கண்ணோட்டத்தில் ஆபாசப் போஸ்டர்களை பாருங்கள் என்று சொன்னால் அதை அவர்கள் ஒப்புக் கொள்ளமாட்டார்கள்.

பெண்கள் தங்களது உடலை தங்கள் இஷ்டத்திற்கு திறந்து போட்டுக் கொண்டு திரிவதுதான் பெண் சுதந்திரம் என்றால், நீங்கள் சொல்லக்கூடிய அந்த ஒரிஜினல்(?) சுதந்திரத்தை அந்த ஆபாசப் படங்களில் நடித்த பெண்மணிகளுக்கு நீங்கள் வழங்க மறுப்பது ஏன்?

ஆபாச போஸ்டரில் இருக்கும் பெண்களுக்கே அந்த சுதந்திரத்தை(?) வழங்க மறுக்கும் இவர்கள் அந்த ஆபாச சுதந்திரத்தை(?) தமது வீட்டுப் பெண்களுக்கு வழங்குவார்களா?

பெண்களது அரைகுறை ஆடைகள்தான் பாலியல் வன்கொடுமைகளுக்கு முக்கிய காரணம் என்ற உண்மை கசப்பாக இருந்தாலும் அதை ஏற்றுக் கொண்டுதான் ஆக வேண்டும்.

09.03.2017. 9:15 AM

Leave a Reply

About Me

இறைவனின் திருப்பெயரால்…

  • இந்த தளத்தில் உள்ள செய்திகள் ஏகத்துவ கொள்கையை சொல்லும் பல்வேறு இணையதளத்தில் இருந்து எடுத்து தொகுக்கப்பட்டவை (ஆன்லைன்பீஜே, ஆன்லைன் டிஎன்டிஜே, etc).
  • இதில் தவறான கருத்துகள் ஏதேனும் இருப்பின் அதை Facebook page https://www.facebook.com/Thowheed.org என்ற முகவரிக்கு அனுப்பி தெரிவிக்கலாம்.
  • உங்கள் ஆக்கங்களையும்
  • Facebook page https://www.facebook.com/Thowheed.org என்ற முகவரிக்கு
  • என்ற முகவரிக்கு அனுப்பவும். ஆசிரியர் சரிபார்த்தபின் வெளியிடப்படும்.
  • இந்த தளத்திற்கும் எந்த அமைப்பிற்கும் எந்த தொடர்பும் கிடையாது.

You may want to read

Follow Us

Sign up for our Newsletter

Click edit button to change this text. Lorem ipsum dolor sit amet, consectetur adipiscing elit